30 desèmber 2021
KOMUNIKADO DI PRENSA I
- VBC ta pro medídanan mas severo pa evitá ku kasonan aktivo di Covid-19 ta sigui subi.
VBC a tuma nota di e último resultadonan di Covid-19 na Kòrsou ku gobièrnu ta publiká i ta hopi prekupá ku e oumento dramátiko di kasonan aktivo. Komo representante di sektor empresarial VBC semper a boga pa tin un bon balanse entre e aspekto di salubridat públiko i e faktor ekonómiko. Ambos ta hopi importante i mester pisa den e balanse. Ta pesei tambe VBC semper a i ainda ta boga pa ampliá e tim di krisis di tal manera ku sektor privá tambe tin representashon den e tim.
Mirando e oumento dramátiko di e último dianan VBC ta di opinion i ta rekomendá gobièrnu pa mas lihé posibel introdusí medídanan ku lo frena e situashon, por ehèmpel hasi e toke de keda mas tempran. Kisas mester konsiderá na hasi esaki no mas lat ku 11’or of 12’or di anochi. Si e sífranan sigui subi manera nan a bin ta hasi último dianan, otro paisnan, entre otro Hulanda lo duna Kòrsou un klasifikashon di kodigo korá, pone nos riba lista di paísnan ku riesgo haltísimo i deskonsehá nan hendenan di viaha pa Kòrsou. Nos mester hasi todo por todo pa evitá e senario aki, pasobra esaki lo ta funesto pa e rekuperashon fragil di último lunanan di nos turismo i nos ekonomia en general. Ta rekomendabel pa nos gobièrnu hasi tur lokual ta posibel pa evitá un posibel lockdown i lo peor pa nos ekonomia.
Vereniging Bedrijfsleven Curacao