KOMUNIKADO DI PRENSA
Krítika di Prome Minister riba sektor komersial ta ínaseptabel
4 yüli 2022
VBC a tuma nota di un artíkulo ku a sali publiká den un vespertino lokal algun dia pasá, den kua ta bisa ku Prome Minister Pisas a iritá su mes pa e forma kon komersiantenan (no) a duna oido na e toke de keda ku gobiernu a hala dilanti di 16.00’or pa 11 ‘or, na momentu ku e depreshon tropikal tabata aserkando Kòrsou, algun dia pasá. E Asosiashon di Komersio i Industria di Kòrsou (VBC) ta haña e akusashon aki no hustifika, inaseptabel i ta kousa hopi dolo. Despues di a konsulta ku miembronan, VBC ta reakshona di e siguiente forma.
- E anunsio ku ta hala e toke de keda di 16.00’or pa 11.00’or no (por) a yega na tur e miembronan na tempu. Parse tambe ku e stashon di radio di kalamidat a bai den aire algu despues di 11’or.
- E espasio di tempu ku tabatin entre e anunsio di e kambio di toke de keda i su komienso tabata demasiado kortiku. Esaki a pone ku kareteranan a kongestiona ku filanan di trafiko largisimo. Tabata reina un paniko total i varios tabata esnan ku no a demostra nan miho komportashon den trafiko, lokual tambe tabata kousa hopi molester i mas kongestion. Hopi hende a bira manera “hyper”, pasobra e anunsio a kousa bastante emoshon i komoshon. Na nos pareser ku un yamada na nos hermana isla Boneiru mes, gobièrnu lo por a evaluá e situashon mas miho i esaki lo a trese mas klaridat na e momentu ei.
- E website di National Hurricane Center ya na e momentunan ei tabata indika ku e trayekto ku e depresion lo a pasa tabata basta sur di Kò Na nos pareser Prome Minister Pisas a provoká un paniko innesesario ku e desishon ku ela tuma i hasiendo esei a trese hopi hende den peliger, inkluso den trafiko.
- E komersiantenan, ku por sierto ta forma djis un parti chikí di tur e aktividatnan ku tabata tumando luga na e momentunan ei, na nos opinion a trata na sirbi i yuda mas tantu hende posibel, kendenan a wordu sorprendé pa e desishon di gobiè Por sierto tambe, ku pa 12’or di mèrdia ya kayanan tabata basta trankil. Además, gobièrno tin ku realisá ku bo por atvertí e hendenan, pero kada un tin ku asumi su propio responsabilidat. En partikular, nos komo VBC no a kompronde muchu bon e komentario di Prome Minister Pisas alegando ku: “Mi ta kompronde ku komersio ke strika (bende mas hopi). Mi por kompronde esei, pero no asina. Esaki no por tuma luga mas den futuro.” Sektor komersial ta para kla pa yuda, sigur den tipo di sirkunstanshanan difisil asina kaminda un kalamidat tabata vislumbrando i ta netamente e komportashon ei Prome Minister ta kritika.
For di un prinsipio, na momentu ku e gobiernu nobo a sinta, VBC a pidi Prome Minister na varios okashon i na diferente manera pa laga sektor priva tambe partisipa den e Tim di Krisis, meskos ku esaki ta sosode na varios otro pais ront mundu. Pasobra e ora ei bo ta haña ku e konosementu i eksperensha di e praktika diario di sektor priva tambe ta wordu inklui den e proseso di toma di desishon. Desafortunadamente te ku awe esaki no a resulta posibel.
Ta bon pa realisa ku Prome Minister Pisas ta e Minister President di tur hende, inkluso di sektor komersial i ekspresando su mes di ta iritá, ta algu inaseptabel i ta demostrá un falta di rèspèt i komprenshon pa un sektor asina importante i ku ta e motor ekonómiko di nos pais.
Lo ta interesante pa sa ta kon bini a tuma e desishon di hala e toke de keda pa 11’or? Ki tabata e kriterianan? Por haña mas informashon di esakinan? Tin notulonan di e deliberashonnan a base di kua a yega na e desishon ei? Tur suidadano tin e derechi di ser bon informa, di un forma korekto, transparente i na tempu i asina por saka su propio konklushonan i “lessons learned”.
Un orkan por kue bo foi base, pero no e temporada di orkan, pasobra esei ta konosi foi tempran. Tur aña ta meskos, e ta kuminsa 1 di yüni i ta terminá fin di novèmber. Pues tur gobièrnu tin ku soru pa tur prekoushon ta tumá prome ku e temporada di orkan kuminsa. Ta kuestion di traha un bon planning. No por ta asina ku riba e mesun dia ta bai limpia roi. Limpiamentu di tur roi i sobra infrastruktura mester a tuma luga kaba. Korektamente TeleCuracao a mustra atenshon riba e punto aki.
VBC ke hasi uso di e oportunidat aki, pa bolbe pidi Prome Minister pa sektor privá, atraves di VBC, por forma parti di e Tim di Krisis. VBC ta kere firmemente den e konsepto di traha huntu den un tim di Public-Private. Trahando hunto so nos por hiba Kòrsou dilanti i VBC ta para kla pa hasi esei.
VBC